Bien akuzat për Platini e Blatter

Ish-kreu i UEFA-s, Michel Platini dhe ish-presidenti i FIFA-s, Sepp Blatter janë shpallur sërish të pafajshëm në Apel nga gjykatat zvicerane.

Dyshja që drejtoi dy institucionet kryesore të futbollit Europian dhe Botëror akuzohen për mashtrim. Ashtu si në shkallën e parë, edhe në vitin 2022, Gjykata e Jashtëzakonshme e Apelit e Gjykatës Penale Federale nuk pranoi kërkesat e Prokurorisë Publike.

Në fillim të Marsit kishte kërkuar 20 muaj paraburgim dhe pezullim për secilin prej të pandehurve. Hetimi për të ashtuquajturën “Fifa-Gate” zgjati gati dhjetë vjet , në të cilin, përveç Blaterit, u akuzua edhe ish-presidenti i UEFA-s, Michel Platini.

Një histori pagesash “të dyshimta” që në fakt i përjashtuan nga pozicionet kryesore të futbollit botëror. Më 8 Tetor 2015, pas një hetimi të kryer nga gjyqësori zviceran, Komiteti i Etikës i FIFA-s e pezulloi Platinin për 90 ditë.

Akuza ka të bëjë me marrjen e paligjshme, në vitin 2011, të dy milionë Frangave zvicerane nga presidenti i atëhershëm Sepp Blatter, si kompensim për punën e konsulencës të kryer midis viteve 1999 dhe 2002.

Gjatë kësaj periudhe, funksionet e tij brenda UEFA-s iu besuan përkohësisht zëvendëspresidentit Ángel María.

Më 21 Dhjetor 2017, FIFA e ndaloi atë nga të gjitha aktivitetet e futbollit për tetë vjet, një dënim që më vonë u reduktua në gjashtë.

Pas një apeli në Gjykatën e Arbitrazhit Sportiv në Lozanë, më 9 Maj 2016 skualifikimi u reduktua më tej në katër vite. Megjithatë, pasi akuzat nuk u rrëzuan siç pritej, në të njëjtën ditë Platini njoftoi synimin e tij për të dhënë dorëheqjen nga presidenca e UEFA-s.

Më 25 Maj 2018, sistemi i drejtësisë zvicerane e liroi atë nga të gjitha akuzat, duke mos gjetur asnjë krim në veprimet e tij.

Me atë rast, rrethi i tij theksoi se akuzat e ngritura ndaj tij kishin për qëllim ekskluzivisht komprometimin e karrierës së tij menaxheriale.

Më 8 Korrik 2022, Gjykata Penale Federale liroi Platinin dhe Blatterin nga akuza e mashtrimit të FIFA-s, duke u dhënë atyre kompensim për të gjithë gjyqin.

MARKETING