BE në alarm: Rusia po përpiqet të pengojë dialogun Kosovë-Serbi!
Moska po tentojë që të destabilizojë rajonin e Ballkanit Perëndimor, paralajmëroi një zyrtar i lartë i BE-së, sipas të cilit, kjo është arsyeja përse po insistohet kaq shumë tani për një normalizim të shpejtë të raporteve mes Kosovës dhe Serbisë.
“Ky është një propozim europian i mbështetur nga të 27 vendet anëtare. Rusia ka bërë disa reagime, përmes ambasadorit në Beograd, duke kërkuar që të mos pranohet propozimi dhe që kjo të shtyhet derisa të mos krijohet ‘një rend i ri botëror’. Këtë e shohim si kërcënim ndaj presidentit Vuçiq që të mos e pranojë propozimin. Deri më tash nuk kemi parë se ka pasur ndikim te Vuçiçi, por ka pasur te një pjesë e opozitës në Serbi”, tha zyrtari.
Këto komente vijnë vetëm pak ditë përpara takimit të 27 shkurtit ndërmjet kryeministrit të Kosovës, Albin Kurti, dhe presidentit të Serbisë, Aleksandar Vuçic, boshtin e të cilit do ta përbëjë pikërisht pranimi I propozimit europian dhe diskutimet mbi implementimin e marrëveshjes.
MARKETING
