ASH-Sela: VLEN konfirmoi dorëzimin para Mickoskit dhe tradhtinë ndaj Besa Kadriut

Aleanca për Shqiptarët tha se, VLEN ka konfirmuar oi dorëzimin para Mickoskit dhe tradhtinë ndaj Besa Kadriut që siç thotë, e braktisën kandidaten e vetme shqiptare që më herët ata e kishin nominuar dhe vjen nga radhët e tyre. ASH thotë se, problemi qëndron pasi Besa foli kundër padronit të VLEN dhe për këtë arsye, këta të fundit nuk e përkrahën dhe shtoi se, pjesëmarrja e Rijad Shaqirit në komision ishte vetëm për aktrim dhe mashtrim.

“Koalicioni i partive shqiptare pa legjitimitet, VLEN, paska tentuar që përmes një kumtese të shpërlajë dorëzimin para VMRO-së dhe braktisjen e kandidates së vetme shqiptare që më herët ata e kishin nominuar dhe vjen nga radhët e tyre.
Aleanca për Shqiptarët asnjëherë nuk ka vepruar siç vepruan sot deputetët e VLEN, të cilët paturpësisht e lanë vetë kandidaten të cilën e kishin nominuar për drejtoreshë të Agjencisë për Cilësinë e Arsimit të Lartë, profesoreshën Besa Kadriu. Aleanca për Shqiptarët ishte në Qeveri për 1 vit edhe atë pasi ishte zgjedhur drejtori i kësaj Agjencie i cili ishte shqiptar dhe në atë periudhë nuk kishte konkurs për drejtor.

Ne e njohim Besa Kadriun dhe nuk na merr mendja se znj. Kadriu ka konkuruar kokë më vete pa pasur pëlqim nga VLEN për këtë pozicion. Problemi është se Besa foli kundër padronit tuaj dhe gjatë rrugës deri në emrim ndryshuan gjërat siç ndodhi edhe sot kur deputetët e koalicionit VLEN nuk erdhën as në Komision, duke e braktisur kandidaten e tyre dhe duke lejuar që edhe një institucion tu merret shqiptarëve. Në fakt e kishin dërguar vetëm një deputet i cili në komision tentoi të mashtrojë dhe aktrojë kinse nuk din gjë dhe e mbron Besa Kadriun, por më pas vetë e pranoi se këtë pozicion ja kanë dhënë VMRO-së me marrëveshje qeverisëse”, tha ASH-Sela.

MARKETING