Vdekja e futbollistit të Tenerifes, a do të burgoset portieri?

Bota e futbollit është e tronditur nga vdekja e futbollistit të Tenerifes, Jesus de Miguel, pas përplasjes së dhunshme që pati me portierin e Andorrës, Jesus Owono.

MARKETING

Portieri ndërkombëtar i Andorrës u ndëshkua direkt me karton të kuq nga gjyqtari i ndeshjes dhe mund të pezullohet për 12 ndeshje për shkak të ndërhyrjes që shkaktoi vdekjen e kundërshtarit të tij.

Pas ngjarjes tragjike, mundësia që portieri të përballet me përgjegjësi penale po hyn në skenë, nëse vërtetohet se veprimi i tij përbën shkelje.

Çfarë thotë Kodi Penal Spanjoll?

Në veçanti, siç raportohet nga mediat spanjolle, fakti që ngjarja ndodhi gjatë një ndeshjeje futbolli nuk e përjashton portierin nga zbatimi i ligjit penal.

Nëse vërtetohet se veprimi i Owono-s ka tejkaluar kufijtë e rrezikut të konsideruar të pranueshëm për një ndeshje futbolli, atëherë nuk përjashtohet që portieri të përballet me akuza. Përveç kësaj, do të duhet të shqyrtohet edhe shkaku i vdekjes së atletit dhe nëse kjo lidhet me përplasjen.

Siç thuhet në nenin 142 të Kodit Penal Spanjoll, parashikohet një dënim me burgim nga një deri në katër vjet në rastin e vrasjes nga pakujdesia e rëndë.

MARKETING