Dogana ndalon kontrabandën e gjarpërinjve në kufi!

Drejtoria e Doganave ka parandaluar kontrabandimin e shtatë zvarranikëve, përfshirë katër pitonë dhe një gjarpër helmues, në pikën kufitare të Bogorodicës. Ata u zbuluan të fshehur në kuti dhe shalle, nën ulësen e një automjeti të drejtuar nga një shtetas i Kosovës.

MARKETING

Shumica e zvarranikëve i përkasin specieve të mbrojtura. Ata do t’u dorëzohen institucioneve kompetente, ndërsa ndaj personit është nisur procedurë përkatëse.

Drejtoria e Doganave rikujton se importimi i specieve të mbrojtura kërkon leje të posaçme. Rregullat synojnë parandalimin e tregtisë së paligjshme dhe mbrojtjen e faunës së rrezikuar.

MARKETING