MASH shpalli konkurset për bursa për nxënësit e shkollave të mesme për vitin shkollor 2026/2027

Ministria e Arsimit dhe Shkencës sot shpalli konkurset për nëntë kategori bursash për nxënësit e shkollave të mesme në vend, për vitin shkollor 2026/2027.

MARKETING

Numri më i madh (1.570) janë bursa për nxënësit e regjistruar në paralelet duale, përkatësisht në arsimin profesional, ku do të zhvillohet arsimimi praktik me numër të shtuar të orëve, në përputhje me programet e arsimit profesional.

900 bursa janë paraparë me konkursin për mbështetjen sociale të nxënësve nga shkollat e mesme publike, 300 bursa për nxënësit e arsimit të mesëm (programe të veçuara mësimore), ndërsa 180 bursa janë për nxënësit me nevoja të veçanta nga shkollat e mesme publike dhe private.

Nga 150 bursa do të ndahen në tre konkurse – për nxënësit që ndjekin plane dhe programe mësimore për aftësim profesional dhe arsim profesional me kohëzgjatje trevjeçare; për nxënësit e talentuar – sportistë nga shkollat e mesme publike dhe private si dhe për nxënësit e talentuar të arsimit të mesëm (me përjashtim të nxënësve të talentuar në fushën e arteve) nga shkollat e mesme publike dhe private.

MASH-i shpalli gjithashtu konkurse për ndarjen e 50 bursave për nxënësit që janë fëmijë pa prindër dhe mësojnë në shkollat e mesme publike ose private, si dhe po aq, 50 bursa për nxënësit e talentuar të shkollave të mesme në fushën e arteve, të cilët ndjekin mësimin në shkollat e mesme publike ose private në vend.

MARKETING