LAMM: Komunikacioni zhvillohet pa pengesa, nuk ka vonesa në pikat kufitare

Trafiku në rrugët shtetërore po zhvillohet pa pengesa dhe në kushte të rrugëve të thata, njofton LAMM. Intensiteti i trafikut jashtë zonave urbane është mesatar, ndërsa në vendkalimet kufitare nga ana e RMV-së nuk janë shënuar pritje më të gjata për hyrje dhe dalje nga vendi.

Nga LAMM apelojnë që drejtuesit e automjeteve të lëvizin me shpejtësi të përshtatur, duke respektuar sinjalistikën rrugore dhe duke drejtuar me kujdes të shtuar. Vëmendje e veçantë rekomandohet në rrugët që kalojnë nëpër lugina, lugina lumenjsh dhe gryka, ku ekziston rreziku i mundshëm nga rrëshqitjet e dheut. Si më të ndjeshme përmenden segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Delçevë.

Ndërkohë, kujtohet se nga 15 nëntori 2025 ka hyrë në fuqi detyrimi ligjor për posedimin e pajisjeve dimërore në automjete, pavarësisht nga kushtet aktuale të motit. Ky detyrim do të mbetet në fuqi deri më 15 mars 2026.

MARKETING