(VIDEO) OJQ-të kërkojnë më shumë angazhim për parandalimin e dhunës në familje

Pas rastit të fundit në të cilin një nënë dhe vajza e saj humbën jetën, shoqatat joqeveritare u bëjnë apel autoriteteve që ta përdorin miratimin e ardhshëm të Strategjisë Kombëtare për Parandalimin dhe Mbrojtjen nga Dhuna ndaj Grave dhe Dhuna në Familje 2026-2033 si pikënisje për këtë ndryshim dhe përmirësim të situatës.

Nga Platforma për Barazi Gjinore dhe Rrjeti për Mbrojtje nga Diskriminimi, thonë se rastet e fundit me pasoja fatale për viktimat dhe të dashurit e tyre në Veles, Shuto Orizari dhe Shkup, si dhe fakti që në vitet e fundit më shumë se 15 raste të dhunës në familje janë raportuar në polici çdo ditë, duhet të jenë një alarm për një ndryshim themelor në qasjen e shtetit ndaj këtij problemi serioz shoqëror.

Platforma për Barazi Gjinore dhe Rrjeti për Mbrojtje nga Diskriminimi

“Ne kërkojmë që Qeveria të përparësojë planifikimin dhe ndarjen e duhur të fondeve të nevojshme buxhetore për zbatimin konsistent të planit të parë të veprimit 2026-2029, me një rritje vjetore të përcaktuar qartë dhe progresive të fondeve për parandalimin dhe mbrojtjen nga dhuna ndaj grave dhe dhuna në familje”.

Shoqatat joqeveritare kërkojnë më tej intensifikimin e parandalimit të dhunës përmes fushatave për të sqaruar se çfarë është në të vërtetë dhuna në familje, cilat forma të dhunës ekzistojnë, cilat janë pasojat dhe nevojat e grave që kanë vuajtur, si dhe si të përdorin mekanizmat e mbrojtjes ligjore.

Tabelë: Platforma për Barazi Gjinore dhe Rrjeti për Mbrojtje nga Diskriminimi

“Përfshirja graduale e të gjithë praktikuesve në një proces të edukimit fillestar dhe të vazhdueshëm të detyrueshëm, me objektiva çdo 6 muaj, në mënyrë që brenda dy viteve të mbulohen të gjithë praktikuesit që kanë kontakt të drejtpërdrejtë ose të tërthortë me viktimat”.

Nga Platforma për Barazi Gjinore dhe Rrjeti për Mbrojtje nga Diskriminimi thonë se rastet e fundit tragjike, të cilat i vlerësuan si rezultat i një sistemi jofunksional, duhet të jenë një pikë kthese për shtetin që të kalojë nga masat deklarative në mbrojtje reale të grave dhe fëmijëve.

Anida Murati /SHENJA/

MARKETING