Shkëndija mëson rivalët në Ligën e Konferencës, ndeshje emocionuese ndaj Dritës

Shkëndija e Tetovës ka mbyllur me sukses aventurën më të gjatë të saj në skenën evropiane, duke siguruar për herë të parë kualifikimin historik në fazën e grupeve të Ligës së Konferencës. Me këtë arritje, Shkëndija bëhet vetëm klubi i dytë nga Maqedonia e Veriut që do të luajë në një vjeshtë evropiane. Shorti i hedhur sot në Monako ka zbuluar edhe kundërshtarët e kampionëve të Maqedonisë, të cilët ishin të pozicionuar në vazon e pestë. Në grupin e tyre, Shkëndija do të përballet me: Slovan Bratislava (Sllovaki) Rayo Vallecano (Spanjë) Jagiellonia (Poloni) Drita (Kosovë) Shelbourne (Irlandë) AEK Larnaca (Qipro) Procesi i shortimit u realizua në formatin digjital, duke ndjekur të njëjtën teknologji të përdorur edhe vitin e kaluar, e cila siguroi një zhvillim të qetë dhe efikas të të gjithë procedurës. /SHENJA/

MARKETING