Maqedonia miqësore me Arabinë Saudite, do të luhet në Pragë

Përfaqësuesja Maqedonisë do të zhvillojë një ndeshje kontrolluese kundër Arabisë Saudite me 4 shtator, në kuadër të terminit zyrtar të FIFA-s.

Përfaqësuesja vendit do ta shfrytëzojë raundin e lirë në kuadër të kualifikimeve për Kupën e Botës dhe kjo do të jetë ndeshja e tretë mes dy përfaqësueseve. Ndeshja e parë u zhvillua më 1 gusht 2001 në Rijad dhe përfundoi pa fitues (1-1). Ndeshja e dytë u luajt më 22 tetor 2022 në Abu Dabi, ku Arabia Saudite fitoi me rezultat 1-0, teksa atëherë për Maqedoninë luajtën futbollistë nga kampionati vendor.

Ndeshja kontrolluese në Pragë do të jetë një test i rëndësishëm për futbollistët tanë më të mirë dhe një mundësi për seleksionuesin Blagoja Milevski të verifikojë formën dhe idetë taktike para vazhdimit të eliminatoreve. Vetëm tre ditë më vonë, më 7 shtator, Maqedonia do të presë Lihtenshtajnin në arenën “Todor Proeski” në Shkup.

Përballja do të zhvillohet në stadiumin “Viktoria” në Pragë, Çeki, me fillim në ora 17:00.

MARKETING