Festa e “çmendur” e Yamalit – futbollisti nën hetime për praninë e personave shtatshkurtër

Sulmuesi i Barcelonës, Lamine Yamal është kritikuar dhe po përballet me një hetim të mundshëm për praninë e një grupi “xhuxhësh” në festën e tij të 18-të të ditëlindjes.
Jesus Martin Blanco, drejtori i përgjithshëm për të drejtat e personave më aftësi të kufizuara në Ministrinë e të Drejtave Sociale të Spanjës, ka bërë thirrje për një hetim, ndërsa Shoqata e Personave me Akondroplazi dhe Displazi të Tjera Skeletore në Spanjë, dënoi atë që e quajti “një shkelje të vlerave etike” dhe tha se do të kërkojë të ndërmarrë veprime ligjore.

Yamal mbushi 18 vjeç të dielën, më 13 korrik dhe organizoi një festë.

Festa u zhvillua në një shtëpi fshati që ai mori me qira në Olivella, një qytet i vogël 50 kilometra në veriperëndim të Barcelonës.

Disa personazhe të famshëm, përfshirë muzikantë, YouTuber-a dhe influencues, morën pjesë, me Robert Lewandowski, Alejandro Balde, Gavi dhe Raphinha midis shokëve të ekipit të Yamalit, të cilët ishin të pranishëm.

Një grup “xhuxhësh” u filmua duke hyrë në festë, gjë që ka shkaktuar polemika

MARKETING