Alejandro Garnacho ka një skuadër favorite ku dëshiron ta vazhdojë karrierën

Alejandro Garnacho thuhet se e ka përzgjedhur Chelsean si destinacionin e tij të preferuar nëse largohet nga Manchester United këtë verë.
E ardhmja e anësorit argjentinas te “Djajtë e Kuq” është në dyshim, pasi trajneri Ruben Amorim mësohet t’i ketë sugjeruar të kërkojë një klub të ri.

MARKETING

Prej disa muajsh, Napoli ka shfaqur interes serioz për shërbimet e Garnachos, por vetë lojtari raportohet se dëshiron të qëndrojë në Angli.

“Alejandro e di që Liga Premier është liga më e fortë në botë”, citohet të ketë thënë një burim për The Sun.

Ndonëse Garnacho ka pasur disa momente të mira te United, ai dëshiron të afirmohet si një yll i vërtetë ndërkombëtar.

Sipas tij, qëndrimi në Angli është hapi më i mirë për zhvillimin e karrierës së lojtarit 19-vjeçar.

Përveç Napolit dhe Chelseat edhe Atletico Madrid është vënë pas argjentinasit i cili ka një çmim largimi prej 50 milionë eurove.

MARKETING