Politikani opozitar izraelit, Golan: Netanyahu është përgjegjës për sulmin në Washington

Kreu i Partisë Demokratike të opozitës izraelite jashtë parlamentit dhe ish-zëvendësshefi i Shtabit, Yair Golan tha se kryeministri Benjamin Netanyahu është përgjegjës për sulmin ku u vranë dy punonjës të ambasadës izraelite në Washington të SHBA-së, transmeton Anadolu.

Golan, në postimin në llogarinë e tij në X tha se ndante dhimbjen e stafit të ambasadës që u vra.

Ndërsa qeveria izraelite pretendon se arsyeja e sulmit ishte “antisemitizmi dhe urrejtja ndaj Izraelit”, Golan tha se ishte “qeveria kahaniste e Netanyahut” që po nxiste “antisemitizmin dhe urrejtjen ndaj Izraelit”.

“Si rezultat i politikave të Netanyahut, ekziston një izolim politik dhe rrezik i paparë për çdo hebre në çdo cep të botës”, tha Golan.

Dy persona që punonin në ambasadën Izraelite në Washington u vranë në një sulm të armatosur në kryeqytetin e SHBA-së.

Shefja e Policisë Metropolitane të Washingtonit, Pamela A. Smith në konferencën për media tha se sulmuesi ishte 30-vjeçari Elias Rodriguez.

Ajo theksoi se pasi Rodriguez u ndalua i dyshuari bërtiti “Liri Palestinës”.

MARKETING