(VIDEO) Moment epik! Gatuzo nuk përmbahet, tërheq me forcë futbollistët dhe nuk i lejon të pinë ujë

Unik në llojin e vetë Xhenaro Gatuzo duket se nuk ndryshon kurrë! Italiani vazhdon me të njëjtin temperament si trajner ashtu siç ishte edhe si futbollist.  

Ndeshja e fundit e Hajdukut të Gatuzos ishte jo mjaft emocionuese, në transfertën e Shibenik, atje ku fitorja ishte detyrim. Livaja do të shënonte në minutën e 74 golin e parë për Hajdukun, ndërsa vendasit barazuan në 1-1 në minutën e 89.

Vetëm dy minuta më vonë, Krovinoviç, lojtari i Hajduk Split, realizoi golin e avantazhit dhe të fitores, 1-2, duke i siguruar 3 pikë të arta Hajdukut.

Duke parë gjithë dramën e kaluar në ato pak minuta, futbollistët e Hajduk shkuan për të pirë pak ujë dhe për t’u qetësuar nga gjithçka ndodhi në fare pak minuta. 

Por reagimi i Gatuzos ishte tepër interesant. Trajneri i ka kapur nga fanella futbollistët dhe i ka shtyrë me forcë drejt fushës, për të mos i lejuar që të pinë ujë. Ky reagim “i çmendur” i italianit është duke bërë xhiron e rrjetit, teksa ka marrë duartrokitjen e tifozëve që cilësojnë se trajneri i tyre nuk donte asnjë lloj qetësimi apo ulje përqendrimi në ato pak minuta shtese. Për më tepër shikoni videon:

https://twitter.com/i/status/1871280240808382933

MARKETING