EVN Maqedoni edhe këtë vit e publikoi “LOST” – është hapur konkursi për studentë nga familje me të ardhura të ulëta

Në kuadër të aktiviteteve për promovimin e diversitetit, barazisë dhe përfshirjes, EVN Maqedoni sërish shpalli programin e bursave “LOST”. Qëllimi i programit është të ofrojë bursa për studentët dhe studentet që kanë të ardhura të ulëta mujore familjare dhe janë të regjistruar në fakultetet elektroteknike në vend.

Në konkursin e shpallur mund të aplikojnë studentët që plotësojnë këto kushte: për herë të parë regjistrohen në vitet I, II, III dhe IV, në vitin akademik 2024/2025, semestri dimëror; të jenë nga familje me të ardhura të ulëta mujore familjare dhe të mos jenë përfitues të një burse tjetër apo kredi.

Përmes konkursit të programit “LOST”, EVN ndan 10.000 denarë në muaj për secilin bursist të përzgjedhur dhe mundëson mësim përmes punës, mbështetje mentoruese, si dhe zhvillim personal dhe profesional.

Aplikimi është aktiv, ndërsa studentët mund të gjejnë më shumë informacion në ueb faqen e EVN Maqedoni ose në linkun https://evn.mk/Downloads/Career/Nov-oglas-Stipendii-2024-2025-so-izjavi.aspx
Të gjithë të interesuarit mund t’i dërgojnë pyetjet dhe aplikacionet e tyre në mënyrë elektronike në [email protected].

EVN Maqedoni është kompani që ofron mundësi të barabarta dhe trajtim të drejtë gjatë përzgjedhjes pa marrë parasysh racën, gjininë, fenë, kombësinë, llojin e aftësisë së kufizuar apo përkatësinë politike të kandidatëve.

MARKETING