Shkupi “zbeh” festën e “Shvercerave”, humb nga Sileksi në Çair

Skuadra e Shkupit nuk ka arritur të fitojë për tifozët “Shvercerat”, duke u mundur në Çair nga Sileksi me rezultat 0:2 në duelin e vlefshëm për xhiron e 15-të të elitës së futbollit vendor. Bardhekaltërtit u mposhtën nga dy golat e Dodevit të realizuar në minutat 7-të dhe 44-t. Futbollistët e Shkupi u munduan për të gjetur rrjetën në pjesën e dytë, por dolën të mposhtur nga fusha, duke “zbehur” edhe festën e tifozëe “Shvercerat” të cilët sot rrumbullaksojnë 35 vite që nga themelimi i grupit. Ndërkohë në duelet tjera, kampionët në fuqi, Struga Trim Lum janë ndalur me barazim 1:1 nga Brera në Strumicë, teksa Gostivari ka fituar falë golit të Mashike përballë Tikveshit. Voska Sport e mbylli me barazim pa gola duelin kundër Vardarit, ndërsa Besa e Dobërdollit ka humbur bindshëm me rezultat 4:1 nga Rabotniçki i Shkupit. Xhiroja e 15-të mbyllet me duelin Pelisteri – Shkëndija që do të nis nga ora 17:00.

MARKETING