Mickoski: Partnerët ndërkombëtar janë të shqetësuar se Ahmeti dhe BDI janë faktor jostabiliteti në vend

Kryeministri Hristijan Mickoski gjatë ditës së sotme ka deklaruar se BDI dhe lideri i kësaj partie, Ali Ahmeti janë faktor jostabiliteti në vend.
Mickoski tha se janë mësuar që deklaratat e kreut të BDI-së, të thërrasin në destabilitet dhe me retorikë luftarake.
“Nuk mendoj se ai mund të shkaktojë atë që thotë. Shqiptarët dhe të gjithë qytetarët në vend janë të vetëdijshëm për gjithçka që ai dhe ata pak njerëz rreth tij kanë bërë personalisht në 20 vitet e fundit sa ishin në pushtet, thotë kryeministri Hristijan Mickoski për mesazhet e djeshme të kryetarit të BDI-së në një tubim partiak në Shuto Orizare të Shkupit.
Mickoski supozon se mesazhi i liderit të BDI-së u referohet, siç thotë ai, të njëjtëve gjyqtarë kushtetues që nga Reçica e Vogël dhe “Bihaqka” janë emëruar në Gjykatën Kushtetuese.
“Ligji për përdorimin e gjuhëve është në Gjykatën Kushtetuese dhe aty do të shihni njerëzit që kanë dalë nga fletoret e tyre. Tani kërkohet një strukturë transmetimi për të përcjellë mesazhin, por nuk mendoj se është ndonjë gjë serioze. Unë jam i shqetësuar se ai vazhdon të jetë një faktor paqëndrueshmërie. Edhe partnerët ndërkombëtarë janë të shqetësuar se BDI dhe Ahmeti janë gjithnjë e më shumë faktor jostabiliteti”, tha Kryeministri në konferencën e sotme për media.
Ahmeti mbrëmë i ka dërguar mesazh qeverisë aktuale se “nëse preket gjuha shqipe të gjithë shqiptarët do të jenë në këmbë”.

MARKETING