Revizioni ka konstatuar parregullsi në punën financiare të Klinikës së Neurologjisë

Enti Shtetëror i Revizionit në raportin përfundimtar të punës financiare në vitin 2023 të Klinikës Universitare të Neurologjisë ka shprehur opinion jo të favorshëm për vërtetësinë dhe objektivitetin e pasqyrave financiare dhe opinion të rezervuar për përputhshmërinë e transaksioneve financiare me legjislacionin përkatës.

Me revizionin e raporteve financiare të Klinikës është konstatuar se barnat e pranuara dhe të konsumuara për sëmundje të rralla nga donacioni nuk janë evidentuar në evidencën materiale dhe kontabilitet.
Janë konstatuar dobësi në planifikimin dhe realizimin e mjeteve nga kompensimi i kushtëzuar për blerjen e terapisë imunomodulare.

“Gjatë vitit 2023 janë krijuar më pak se terminet e përcaktuara me ligj për kryerjen e shërbimeve shëndetësore duke përdorur pajisje mjekësore përmes aplikacionit “Termini im”. Në disa nga procedurat për prokurimet publike është konstatuar zbatim jo adekuat i Ligjit për prokurime publike”.
“Infermierë, ndihmësmjekë dhe punonjës në sportele janë punësuar me kontratë, pa pëlqimin e Ministrisë së Financave dhe është konstatuar kontroll joadekuat i përdorimit të shërbimeve nga Shërbimi Shëndetësor Publik për punët e përbashkëta”, thuhet në raport.

Gjithashtu theksohet se për tejkalimin e kushteve të krijuara janë dhënë rekomandime me qëllim marrjen e masave dhe aktiviteteve nga personat përgjegjës për përmirësimin e kushteve.

MARKETING