Situata e sigurisë në vend, Kurti takon komandantin e KFOR-it
Kryeministri i Republikës së Kosovës, Albin Kurti, së bashku me ministrin e Punëve të Brendshme, Xhelal Sveçla, mirëpriti komandantin e KFOR-it, Gjeneral Major Özkan Ulutas.
Zyra e Kryeministrit njofton se bashkëpunimi ndërmjet Republikës së Kosovës dhe misionit të NATO-s në Kosovë – KFOR dhe situata e sigurisë në vend ishin temat e diskutimit.
Kryeministri e falënderoi komandantin Ulutas për bashkëpunimin e mirë, për rolin dhe kontributin e tij dhe të KFOR-it për sigurinë dhe paqen.
Gjatë ditës edhe presidentja Vjosa Osmani ka pritur në takim komandantin e KFOR-it, gjeneralmajor Ozkan Ulutash, me të cilin poashtu diskutoi për zhvillimet e fundit në fushën e sigurisë./Telegrafi/
MARKETING
