(VIDEO) Kryediplomati grek: Marrëveshjae Prespës duhet të respektohet!

Marrëveshja e Prespës duhet të respektohet. Kështu është shprehur  Ministri grek i Punëve të Jashtme, Jorgos Gerapetritis. Ai për mediat greke ka theksuar se qytetarët e Maqedonisë së Veriut nuk dëshirojnë të rrezikojnë marrëdhëniet me Greqinë dhe perspektivën evropiane të vendit.

 JORGOS GERAPETRITIS

“Realiteti është se ne dëshirojmë t’i miratojmë memorandumet për ratifikim për shkak se ne në parim pajtohemi me rrugën evropiane të Maqedonisë së Veriut. Megjithatë, kjo nuk mund të ndodhë nëse nuk ka harmonizim dhe respektim të plotë të Marrëveshjes së Prespës. Të mos harojmë se zbatimi i kësaj marrëveshje është parakusht për procesin integrues të Maqedonisë së Veriut”.

Në lidhje me memorandumet që ende nuk janë ratifikuar në Parlamentin grek, ministri i jashtëm grek tha se do të miratohen në momentin e duhur politik dhe se ratifikimi varet nga zbatimi i plotë i Marrëveshjes së Prespës për shkak se, siç tha ai, përveç emrit të shtetit, ka edhe disa çështje që ende nuk janë zgjidhur.

Samir Mustafa /SHENJA/

MARKETING