Ligji që aprovon anëtarësimin e Suedisë në NATO botohet në Gazetën Zyrtare të Turqisë

Ligji i miratuar nga parlamenti turk që i jep dritën jeshile anëtarësimit të Suedisë në NATO u botua në Gazetën Zyrtare të Türkyes sot, duke finalizuar ratifikimin, tha Drejtoria e Komunikimeve e Presidencës turke, transmeton Anadolu.

Presidenti Recep Tayyip Erdoğan nënshkroi dekretin presidencial për pranimin e vendit nordik në aleancën ushtarake dhe miratoi protokollin përkatës. Tashmë ligji ka hyrë në fuqi.

Asambleja e Madhe Kombëtare ratifikoi të martën anëtarësimin e Suedisë me 287 vota pro dhe 55 kundër.

Pranimi i një anëtari të ri kërkon mbështetjen unanime të të gjithë anëtarëve të NATO-s dhe Hungaria është tani i vetmi aleat që nuk e ka ratifikuar anëtarësimin e Suedisë.

MARKETING