Ushtria ruse bombardon Kharkivin, plagosen 17 persona – goditen shtëpitë dhe ndërtesat kolektive
Dy raketa ruse goditën një zonë të banuar në qendër të Kharkivit, duke plagosur 17 persona, dy prej tyre rëndë dhe duke dëmtuar shtëpitë dhe ndërtesat kolektive.
Ekipet e shpëtimit kërkuan nëpër rrënojat të mbijetuarit, kurse kryebashkiaku i përshkroi dy “shpërthimet si tejet të fuqishme” dhe tha se të paktën 10 apartamente u dëmtuan, transmeton Telegrafi.
Shefi i policisë rajonale Volodymyr Timoshko tha për transmetuesin publik Suspilna, se njëra predhë goditi rrugën dhe tjetra një ndërtesë banimi trekatëshe. Zjarri shpërtheu në dy katet e spitalit përballë pallatit, por është shuar.
Guvernatori rajonal i Kharkivit, Oleg Sinehubov, shkroi në Telegram se 12 persona të lënduar ndodheshin në spital, duke përfshirë dy gra që u plagosën rëndë.
Kryetari i bashkisë së Kharkivit, Ihor Terekhov, gjithashtu duke shkruar në Telegram, tha se raketat goditën “pikërisht aty ku nuk ka infrastrukturë ushtarake dhe pikërisht aty ku ka realisht banesa”.
“Janë të paktën 10 ndërtesa të dëmtuara. Ekipet e shpëtimit vazhdojnë të kalojnë nëpër rrënoja”, shtoi Terekhov.
Qyteti i dytë më i madh i Ukrainës, Kharkivit, në verilindje të vendit, ka qenë një objektiv i shpeshtë i sulmeve, por qyteti nuk ka rënë në duart e rusëve gjatë konfliktit gati dyvjeçar.
Raketat ruse një hotel në qytet javën e kaluar, duke plagosur 11 persona.
MARKETING
