UEFA, për vendimin e Gjykatës: Nuk e autorizon krijimin e Superligës

UEFA përmes një deklarate ka komentuar dënimin dhe përkufizimin e “shpërdorimit të pushtetit dominues” që i është atribuuar nga Gjykata e Drejtësisë vetë UEFA-s dhe FIFA-s.

“UEFA merr parasysh vendimin e dhënë sot nga Gjykata Evropiane e Drejtësisë në rastin e Superligës Evropiane”.

Siç specifikohet në shënimin e UEFA-s, vendimi i Gjykatës Evropiane të Drejtësisë në fakt nuk e autorizon krijimin e Superligës.

“Ky vendim nuk nënkupton një miratim ose vërtetim të të ashtuquajturës “Superligë”; përkundrazi, ai nënvizon një boshllëk paraekzistues në kuadrin e parautorizimit të UEFA-s, një aspekt teknik që tashmë është njohur dhe trajtuar në qershor 2022. UEFA ka besim në qëndrueshmërinë e rregullave të saj të reja, dhe veçanërisht në përputhje me të gjitha ligjet dhe rregulloret përkatëse evropiane”.

Më pas UEFA përsëriti angazhimin e saj për organizimin dhe krijimin e një modeli sportiv evropian të saktë dhe të pazëvendësueshëm.

“UEFA mbetet e vendosur në angazhimin e saj për të mbështetur piramidën evropiane të futbollit, duke siguruar që ajo të vazhdojë t’u shërbejë interesave më të gjera të shoqërisë. Ne do të vazhdojmë të formësojmë modelin sportiv evropian kolektivisht me shoqatat kombëtare, ligat, klubet, tifozët, lojtarët, trajnerët, Institucionet, qeveritë dhe partnerët e BE-së. Ne besojmë se piramida e futbollit evropian me bazë solidariteti, të cilën tifozët dhe të gjithë aktorët e kanë deklaruar si modelin e tyre të pazëvendësueshëm, do të ruhet nga kërcënimi i përçarjes me një pjesë të ligjeve evropiane dhe kombëtare”.

MARKETING