(VIDEO) Rreth 11 000 shtetas të RMV- së kanë aplikuar për pasaportë bullgare

Rreth 11.000 shtetas të Maqedonisë së Veriut, kanë aplikuar për pasaportë bullgare nga viti 2020 deri në nëntor të këtij viti. Në vitin 2020 numri i shtetasve maqedonas të cilët kanë aplikuar për marrjen e nënshtetësisë bullgare ishte 2.551, në vitin 2021 ky numër u rruit në 3.428, në vitin 2022 kishte 2.051, dhe që nga fillimi i këtij viti deri më 24 nëntor ky numër ka arritur në 2.990 persona, shkruan agjencia e lajmëve BGNES, duke theksuar se të dhënat janë marrë nga Ministria Bullgare e Drejtësisë.
TABELË:
VITI NUMRI I APLIKIMEVE PËR PASAPORTË BULLGARE
2020 2.551
2021 3.428
2022 2.051
2023 2.990
Autoritetet në Sofje, në tre vitet e fundit, kanë regjistruar një dyfishim të kërkesave për shtetësi bullgare. Në periudhën nga janari i vitit 2020 deri në datën 24 nëntor të këtij viti janë dorëzuar gjithsej 75.805 kërkesa.
Shkalla më e lartë është tek qytetarët e Turqisë që aplikojnë për shtetësi bullgare, ndërsa kur bëhet fjalë për shtetasit e Maqedonisë së Veriut, më së shumti kërkesa për pasaportë bullgare ka pasur në vitin 2021.
Interes të vazhdueshëm për marrjen e shtetësisë bullgare kanë edhe shtetasit e Moldavisë, Shqipërisë dhe Sërbisë, ku siç raporton BGNES ka pakica bullgare.
Po ashtu është evidente edhe rritja e kërkesave të qytetarëve të Federatës Ruse që dëshirojnë të bëhen shtetas bullgarë, nga 279 kërkesa në vitin 2020, në 2.261 kërkesa këtë vit.
Periudha gjatë së cilës kryhen kontrollet e dokumentave është tetë deri në nëntë muaj dhe ka të bëjë me dërgimin e kërkesave për kontrolle nëpërmjet shërbimeve konsullore të përfaqësive diplomatike bullgare jashtë vendit tek autoritetet e huaja kompetente. /SHENJA/