Numri i të vrarëve nga sulmet izraelite në Gaza është rritur në 9.061

Numri i të vrarëve në Rripin e Gazës, i cili prej 27 ditësh është nën sulme të ashpra izraelite, është rritur me 265 viktima të reja. Kësisoj, numri i deritanshëm i të vrarëve në Gaza ka shkuar në 9.061 viktima. Zëdhënësi i Ministrisë së Shëndetësisë në Gaza, Ashraf al-Qudra, ndau informacionin më të fundit mbi viktimat dhe lëndimet në rajon në një konferencë shtypi në Spitalin Shifa.

Qudra tha se 265 persona të tjerë kishin humbur jetën në sulmet e kryera nga Izraeli në 24 orët e fundit.

Një zyrtar palestinez tha se numri i njerëzve të vrarë në sulmet izraelite në Gaza që nga 7 tetori është rritur në 9.061, duke përfshirë 3.760 fëmijë dhe 2326 gra, ndërsa të paktën 32.000 njerëz janë plagosur.

Krahu i armatosur i Hamasit, Brigadat Al-Qassam, nisi një sulm të gjithanshëm mëngjesin e 7 tetorit, si kundërpërgjigje ndaj “shkeljes së vazhdueshme të Izraelit të të drejtave të palestinezëve dhe vlerave të tyre të shenjta, veçanërisht Xhamisë Al-Aksa”, pas së cilës Ushtria izraelite filloi bombardimin e Gazës.

Izraeli njoftoi se më shumë se 1.400 izraelitë, përfshirë 315 ushtarë, u vranë në sulmet nga Gaza dhe 5.132 njerëz u plagosën.

Sipas zyrtarëve izraelitë, numri i ushtarëve të vrarë në përleshjet në Rripin e Gazës që nga 31 tetori është rritur në 18, ndërsa Brigadat Qassam mbajnë 242 të burgosur izraelitë. /TRT Albania

MARKETING