Shkaku i coronavirusit, gati 60 mijë viktima brenda një muaji në Kinë
Kina njoftoi sot se rreth 60 mijë njerëz vdiqën në spitale brenda një muaji, pasi u hoqën masat epidemiologjike, vdekjet e të cilëve lidhen me COVID-19.
“Midis 8 dhjetorit dhe 12 janarit, 59,930 njerëz vdiqën”, u tha gazetarëve zyrtari i Komisionit Kombëtar të Shëndetit, Jiao Yahui.
Kjo listë nuk përfshin ata që vdiqën jashtë institucioneve mjekësore, raporton financialtimes.
Të shtruarat në spital për shkak të coronavirusit kanë arritur kulmin në shtetin kinez, por tani numri i pacientëve që po trajtohen në spitale ka filluar të bie.
“Në përgjithësi në të gjithë vendin, numri i njerëzve që arrijnë në klinika ka qenë në rënie pasi kanë arritur një kulm, si në qytete ashtu edhe në zonat rurale”, pohoi Jiao.
Ndryshe, Kina ditë parë ka njoftuar se deri më tani mbi 900 milionë banorë janë infektuar së paku njëherë me coronavirus.
MARKETING
