Ronaldo viziton Real Madridin në seancën e tyre stërvitore

Cristiano Ronaldo mori pjesë këtë të premte në stërvitjen e Realit të Madridit. Skuadra “merengues” ndodhet në Riad, kryeqytetin e Arabisë Saudite, ku është zhvendosur prej disa ditësh për ndeshjet e Superkupës së Spanjës (mposhti në gjysmëfinale Valencian me 11-metërsha dhe pret të luajë finalen me Barcelonën, të dielën). Skuadra e Ancelottit po i zhvillon përgatitjet në qendrën stërvitore të Al Nassr, klub të cilit pak javë më parë iu bashkua Ronaldo.

“Ylli” portugez jo vetëm që ka ndjekur stërvitjen, por ka bërë edhe disa foto, ndërsa është kapur një moment kur ka qenë duke biseduar me Carlo Ancelottin, trajnerin e skuadrës spanjolle.

Cristiano Ronaldo ruan një marrëdhënie të mirë me klubin që përfaqësoi në periudhën 2009-2018. Madje CR7 është stërvitur në qendrën stërvitore të Real Madridit, në Valdebebas, për të mbajtur në formë, kur ishte ende pa klub, pak pas Kupës së Botës “Katar 2022”.

MARKETING