30 kilometra brenda Rusisë – Ukraina thotë se po e shtyn luftën në territorin e agresorit

Trupat ukrainase kanë avancuar 30 kilometra brenda Rusisë, në sulmin më të thellë dhe kyç që kur Moska nisi pushtimin në Ukrainë më 2022.

Ministria ruse e Mbrojtjes ka thënë se forcat e saj janë përballur me trupat ukrainase afër fshatrave Tolpino dhe Obshchy Kolodez, ndërsa ofensiva në rajonin Kursk ka hyrë në ditën e gjashtë.

Zëdhënësja e Ministrisë së Jashtme, Maria Zakharova, e ka akuzuar Kievin për “frikësim të popullsisë paqësore të Rusisë”.

Gjatë natës, presidenti i Ukrainës, Volodymyr Zelensky, e ka pohuar sulmin për herë të parë, duke thënë se Ukraina po e shtyn luftën në “territorin e agresorit”.

“Ukraina po dëshmon se mund ta rivendosë drejtësinë dhe të sigurojë presionin e nevojshëm ndaj agresorit”, ka thënë ai.

MARKETING