Zyrtare: Rasmus Hojlund ka kompletuar transferimin e tij te Napoli
MARKETING
Rasmus Hojlund ka kompletuar transferimin e tij te Napoli, në formë huazimi nga Manchester United, me opsion blerjeje që mund të shndërrohet në detyrim për një shumë totale prej 50 milionë eurosh.
MARKETING
Sulmuesi 22-vjeçar danez mbërriti në Itali gjatë fundjavës për testet mjekësore dhe nënshkroi kontratën vetëm pak para mbylljes së afatitkalimtar.
Manchester United ka ruajtur gjithashtu një përqindje prej 5% nga shitja e ardhshme e lojtarit, ndërsa kontrata e Hojlund përfshin edhe një klauzolë lirimi të vendosur midis 85 dhe 90 milionë eurove.
Ky transferim erdhi si pasojë e mungesës së Romelu Lukakut, i cili do të qëndrojë jashtë fushave për 3-4 muaj për shkak të një dëmtimi të rëndë në kofshë.
Hojlund rikthehet kështu në Serie A, ku kishte shpërthyer me Atalantën në sezonin 2022/23, përpara se të transferohej te Manchester United për 77.8 milionë euro plus bonuse deri në 9.9 milionë.
Me fanellën e “Djajve të Kuq”, ai shënoi 26 gola dhe dhuroi gjashtë asistime në 95 paraqitje zyrtare.
MARKETING
