Zjarri në Jazhincë është ende aktiv
Zjarret pranë fshatit Jazhincë, Komunës së Jegunovcës dhe në zonën “Jasen” janë ende aktive, informon Qendra për Menaxhim me Kriza (QMK).
Drejtori i Drejtorisë për Mbrojtje dhe Shpëtim, Stojançe Angelov, informoi gjithashtu për zjarrin pranë Jazhincës këtë mëngjes, duke thënë se në këtë moment vija e majtë e shuar tregon pika të nxehta dhe shenja djegieje. Prandaj, thotë Angelov, është aktivizuar helikopteri i policisë, i cili vepron pikë për pikë duke hedhur ujë me saktësi.
“Një pjesë e zjarrit po lëviz në drejtim të fshatit Dvorcë drejt anës së Shkupit”, shton Angelov.
Ai shton se në vendngjarje ndodhen zjarrfikës me automjete nga njësitë territoriale të zjarrfikësve nga Tetova, Gostivari, Velesi dhe Kavadari, si dhe banorë vendas.
Dje pasdite, zjarri pranë Jazhincës u vu nën kontroll, por u ndez përsëri në mbrëmje.
Angelov thotë se për shkak të barit të lartë, shkurreve dhe bredhave që ndizen lehtë, të shoqëruara nga një erë e fortë, zjarri u bë më i gjatë se një kilometër, duke lëvizur në drejtim të autostradës Tetovë – Jazhincë.
MARKETING
