Xhemal Ibishi: Fitorja ndaj Sileksit e domosdoshme

Të dielën rikthehet kampionati elitar me ndeshjet e xhiros së 15-të në program.

Skuadra e Shkupit në këtë xhiro pret në Çair Sileksin.

Një ditë para këtij takimi sulmuesi i Shkupit, Xhemal Ibishi, tha se fitorja ndaj Sileksit është e domosdoshme.

“Pas kësaj pauze, dalë nga dalë e kemi marrë veten si ekip. Besoj se na ka bërë mirë kjo minipauzë për shkak ndeshjeve ndërkombëtare të përfaqësueses së vendit. Përgatitjet po shkojnë mirë, gjithçka po shkon sipas planit, ashtu që e jona është të zbresim të fushë dhe të japim më të mirën nga vetja. Shpresoj që nga kjo ndeshje të dalim me një rezultat pozitiv, pavarësisht se Sileksi ndodhet në një formë të mirë. Ne jemi Shkupi dhe në çdo ndeshje luajmë për të fituar. Sinqerisht na nevojitet fitorja në këtë ndeshje, për më tepër që të rikthejmë atmosferën pozitive, por e rëndësishme është që me fitore të ju urojmë 35 vjetorin tifozëve tanë besnik “Shvercerave”, u shpreh sulmuesi Xhemal Ibishi.

MARKETING