Villarreal likuidon Athletic Bilbaon, “nëndetësja e verdhë” forcë e pestë e La Ligës
Villarreal vijon me paraqitjet pozitive, duke arritur që të regjistrojë të katërtën ndeshje pa humbje, këtë herë duke mundur 5-1 Athletic Bilbao. “Nëndetësja e verdhë” i afrohet sigurimit të pjesëmarrjes në arenën ndërkombëare edicionin e ardhshëm, pasi tani ka një diferencë prej 10 pikësh me vendin e tetë.
Alex Baena realizoi në të 24-ën, ndërkohë që 13 minuta më vonë Jackson shënoi të dytin. Pa u mbyllur pjesa e parë Sancet ngushtoi diferencën e golave me penallti, por në pjesën e dytë Jackson shënoi të tretin, ndërkohë që autogoli i Paredes minutën e 61 dhe goli i Baena në minutën e 90′ vulosën rezultatin.
Pas këtij suksesi, Villarreal shkon në kuotën e 57 pikëve, duke u renditur i pesti, ndërkohë që Athletic Bilbao mbetet i teti me 47 pikë.
MARKETING
