(VIDEO) Stojanoski: LSDM dhe BDI votojnë kundër ligjeve në favor të sigurisë së qytetarëve

LSDM dhe BDI treguan se janë të pandashme edhe në opozitë, ndërsa deputetët e Venko Filipçes dhe Ali Ahmetit u bashkuan kundër sigurisë dhe jetëve të qytetarëve në komunikacion. Kështu deklaroi deputeti i partisë në pushtet, Bojan Stojanoski, i cili theksoi se në Kuvend, të gjithë ishin dëshmitarë të sjelljes së opozitës destruktive, të personifikuar nga LSDM dhe BDI.

BOJAN STOJANOSKI, DEPUTET I VMRO-DPMNE-së

‘’Në vend që të tejkalonin veten dhe të votonin për ndryshime ligjore që janë në dobi të qytetarëve, LSDM dhe BDI vendosën të veprojnë me inat. Herë nuk u pëlqente një gjë, herë një tjetër, herë pretendonin se do të keqpërdoreshin të dhënat e qytetarëve. Këtu shtrohet një pyetje logjike: çfarë bënin gjatë shtatë viteve kur ishin bashkë në pushtet, nëse diçka e tillë nuk ishte e pranueshme, apo ishin dhe vazhdojnë të jenë të bashkuar vetëm për interesa personale’’.

Stojanoski tha se sa i përket viktimave në rrugë, numri i viktimave në aksidentet e trafikut në Republikën e Maqedonisë është 65 persona për një milion banorë, ndërsa mesatarja evropiane është 45 viktima në vit për një milion banorë, që do të thotë se Maqedonia ka rreth një të katërtën më shumë se mesatarja evropiane. Ai gjithashtu njoftoi se në dhjetor 2025 dhe në janar të këtij viti, numri i rasteve me vdekje është ulur nga 11 në 2 raste. /SHENJA/

MARKETING