(VIDEO) Një familjeje katër anëtarëshe i duhen një mijë euro për të kaluar muajin

(VIDEO) Një familjeje katër anëtarëshe i duhen një mijë euro për të kaluar muajin

Shpenzimet mujore për një familje katërantarshe vazhdojnë të jenë të larta. Nga Lidhja e Sindikatave të Maqedonisë, infromojnë se vlera e shportës minimale sindikale për muajin maj të vitit 2024 arrin 60 090,00 denarë, ose rreth 1000 euro. Krahasuar me vlerën e shportës minimale sindikale për muajin prill të këtij viti, e cila është 60.212,00 denarë, ajo është ulur për 122,00 denarë. Siç shtojnë nga LSM-ja, me një banesë me qira prej 60 metrash katrorë për muajin prill, shpenzimet arrijnë në 75.465,00 denarë.

Me anë të një tabele ata sqarojnë se vetëm për të siguruar ushqimin dhe pijen, një familje ju duhet të shpenzojnë 21.689 denarë, ose e përkthyer në përqindje 36.1 përqind, për veshje dhe mbathje 4.928 denarë ose 8.2 përqind, për harxhimet e faturave 6.014 denarë, për transport 5.020 denarë, për higjienë 1.788.

Ndërkaq, nga LSM disa herë madje kanë protestuar duke kërkuar paga më të larta për puntorët. Protesta e fundit ishte më 1 maj, mu në ditën e puntorëve.

Paga mesatare mujore neto për të punësuar, gjatë muajit shkurt 2024, është 39 276 denarë, ndërsa ajo minimale është 22.500 denarë.

Samir Mustafa /SHENJA/

MARKETING