(VIDEO) Nikollovski: Ligji i ri për doganat parasheh integrimin në tregun e vetëm të BE

Drejtori i Drejtorisë Doganore Boban Nikollovski ka njoftuar se është përgatitur një ligj i ri për doganat. Ai tha se drejtoria ka hartuar një draft tekst të ligjit të ri për Doganat, të harmonizuar me Ligjin Doganor të BE-së, për të cilin tha se presin të hyjë në fuqi deri në fund të këtij viti.

BOBAN NIKOLLOVSKI, DREJTOR I DREJTORISË DOGANORE

“Thelbi i ligjit është përmirësimi i kushteve për të bërë biznes dhe integrimi më i shpejtë në tregun e vetëm të BE-së, duke krijuar operacione doganore plotësisht dixhitale, pajtueshmëri të plotë me sistemet e përdorura në BE, në zbatimin e të cilave tashmë po punojmë, si dhe duke siguruar siguri më të madhe të mallrave.”

Nikollovski theksoi se dialogu i rregullt është çelësi për përmirësimin e proceseve dhe përmirësimin e klimës së biznesit në vend, me të cilin të gjithë palët e interesuara kontribuojnë në stabilitetin ekonomik të vendit dhe përmirësimin e konkurrueshmërisë së ekonomisë së vendit.

BOBAN NIKOLLOVSKI, DREJTOR I DREJTORISË DOGANORE

“Gjatë kësaj periudhe, ne po punojmë intensivisht në zbatimin e një Sistemi të ri nacional me një sportel të vetëm, i cili duhet të mundësojë dorëzimin elektronik të aplikimeve për lëshimin e licencave dhe lejeve në një vend me një futje të vetme të të dhënave”.

Nikollovski tha se me miratimin e Projektligjit për ndryshimet në Ligjin për Tarifën Doganore, do të ulen normat doganore për 67 produkte që përdoren si lëndë të para ose mallra të ndërmjetme në sektorin e automobilave, përpunimit të metaleve, metalurgjisë dhe energjetikës.

Medina Ajeti Ali /SHENJA/

MARKETING