(VIDEO) Marsi në RMV me reshje mbi mesataren

Të dhënat e Drejtorisë për punë hidro meteoriologjike tregojnë se muaji mars ka pas rreshje mbi mesataren krahasuar me vlerat e 30 viteve të fundit. Sasia e matur mujore e reshjeve gjatë muajit ishte 38% mbi nivelin mesatar të vendit.

Nga drejtoria për punë hidro-meteorologjike njoftuan se temperatura mesatare mujore ka lëvizur nga 3.9°C në Lazaropole deri në 11.3°C në Gjevgjeli. Krahasuar me temperaturat mesatare mujore të marsit për një periudhë tridhjetëvjeçare, siç njoftuan ata, ajo e këtij viti ishte 2.4°C mbi nivelin mesatar të vendit.

Ndërkaq, theksuan se temperatura më e lartë maksimale është matur më 15 mars në Manastir dhe ka qenë 28.8°C. Ndërsa ajo minimale më e ulët gjatë muajit është shënuar në Lazaropole, më 19 mars dhe ka qenë -12.7 °C. Sa i’u përket reshjeve ata njoftojnë se gjashtë ditët e fundit të muajit kishte reshje të vazhdueshme, stuhi ciklonike të shoqëruara me breshër dhe stuhi.

DPHM

“Në muajin mars të këtij viti, reshjet mujore në vend varionin nga 36 mm në Manastir deri në 132 mm në Mavrovë. Reshjet ishin shi, breshër dhe borë në male. Sasia maksimale e reshjeve ditore, 41 mm, është shënuar në Gjevgjeli më 30 mars. Në gjashtë ditët e fundit të muajit në disa lokacione në vend kishte stuhi ciklonike”.

Tutje ata sqaruan se në Kodrën e Diellit më 1 mars është matur shtresa më e lartë e dëborës prej 26 cm. po ashtu është vërejtur edhe paraqitje e akullit në periudhën nga 18 deri më 21 mars.

Anida Murati /SHENJA/

MARKETING