(VIDEO) Manasievski: Njerëz të afërt me partinë në pushtet në Serbi punojnë për LSDM-në

VMRO-DPMNE-ja po i akuzon drejtuesit e LSDM-së për lidhje biznesi me persona të afërt me pushtetin në Serbi. Valentin Manasievski, anëtar i Komitetit Qendror të VMRO-DPMNE-së ka deklaruar se Zoran Bashanoviq, ish-këshilltari i Zoran Zaev, drejton ekipin e PR-it të LSDM-së dhe Filipçes.

MARKETING

Sipas Manasievskit, vetëm pak muaj më parë, me rekomandimin e Zoran Zaevit, Venko Filipçe shkoi në Nish të Serbisë dhe u takua me Miljan Scekiqin, një njeri që tani është përgjegjës për njoftimet dhe konferencat të rreme për shtyp të LSDM-së.

VALENTIN MANASIEVSKI, ANËTAR I KOMITETIT QENDROR TË VMRO-DPMNE-SË

“Ky punon në agjencinë serbe të PR-it “Eye Media” dhe nëpërmjet Bashanoviqit dhe Zoran Zaevit, atij iu ofrua të punonte për SDS-në. Ish-këshilltarët e Zaevit, Zoran Bashanoviq dhe Miljan Shekiq, janë të stacionuar në hotelin Skopje Park, dhe prej andej drejtojnë qendrën për gënjeshtra dhe manipulime të SDS-së. Me këtë, zbulohet e vërteta rreth deklaratave të SDS-së dhe shumë frazave dhe krahasimeve të shpeshta serbe në komunikimin e tyre”

Manasievski deklaroi se pasi Zoran Zaev bëri të mundur që Venko Filipçe të bëhej udhëheqës i LSDM-së, ai bëri të mundur edhe që ai të “gënjente për të”.

Manasievski deklaroi se në ditët në vijim të konferencave për shtyp, do t’ju bëhet e qartë pse LSDM-ja është kaq e fiksuar me partinë në pushtet në Beograd dhe Serbinë, dhe kush është Zoran Bashanoviq, ish-këshilltari në qeverinë e Zoran Zaevit. /SHENJA/

MARKETING