(VIDEO) LSDM sot zyrtarizon emrat në listat për zgjedhjet parlamentare

LSDM pasdite do të mbajë kongres në të cilin do të zyrtarizohet vendimi për listat e deputetëve për zgjedhjet parlamentare të 2024-ës më 8 maj. Sipas të dhënave nga mbledhja e ditës së djeshme në parti, bartës i listës së partisë dhe koalicionit në njësinë e parë zgjedhore është Dimitar Kovaçevski, I cili do të shoqërohet nga Monika Zajkova. Në njësinë e dytë zgjedhore i pari është Oliver Spasovski, ndërsa pas tij qëndron Fatmir Bytyçi. Në Njësinë e Tretë janë Sanja Llukarevska dhe Ljupço Nikollovski, në të Katërtën Venko Filipçe dhe Jovana Trençevska, në të Pestën Jovan Mitreski dhe Bisera Kostadinovska, ndërsa në Njësinë e Gjashtë listën e kryeson Sllavjanka Petroska dhe pas saj është Agron Demiri.

Ndërkaq VMRO-DPMNE-ja deri më tani është përcaktuar vetëm për bartësin e listës zgjedhore në njësinë numër 5, ndërkaq për të dielën paralajmërojnë promovim të programit.

Zyrtare, deri më tani të listave për deputetë nuk ka nga BDI-ja me koalicion edhe pse në opinion përfliten disa emra. Ndërkaq opozita e bashkuar shqiptare VLEN tashmë ka bërë të njohur emrat. Bartës në zonën 1 është Izet Mexhiti, në zonën 2 Afrim Gashi, bartës në zonën 6 është Bilall Kasami. Ndërsa në zonën pesë bartësi i listës do të bëhet publik brenda pak ditëve. Listat e kandidatëve për deputetë në Kuvend i dorëzohen KShZ-së nga përfaqësuesit e autorizuar më së voni deri në mesnatë të datës 2 prill, 35 ditë para mbajtjes së zgjedhjeve.

Medina Ajeti Ali /SHENJA/