(VIDEO) LSDM: Pas arratisjes së Grubit mund të fshihet një marrëveshje VMRO-BDI

Partia opozitare LSDM akuzoi se pas arratisjes së ish-zëvendëskryeministrit Artan Grubi mund të fshihet një marrëveshje politike mes VMRO-DPMNE –së dhe BDI-së, sepse, sipas tyre, ekzistojnë shumë indikacione për një marrëveshje të bërë mes partive, si dhe shumë mangësi nga ana e Ministrisë së Brendshme në këtë rast.

Sekretari organizativ i LSDM-së, Martin Kostovski, duke iu referuar informacionit të marrë nga denoncues, deklaroi në konferencën e sotme për shtyp se Ministria e Brendshme kishte vendosur kontroll policor në rreth rrotullimin pranë vendkalimit kufitar “Blacë” ditën kur Grubi ka dalë nga vendi, dhe se ky kontroll ka qenë aty të paktën tre ditë para ngjarjes, që, sipas partisë, tregon qartë se ka pasur dyshime për një arratisje.

MARTIN KOSTOVSKI, SEKRETAR ORGANIZATIV I LSDM-SË

“Por, sipas informacionit tonë, kontrolli policor, njësia mobile e MPB-së, nuk dinte se kë duhet të priste ose kë duhej të ndalonte. Ata morën informacion vetëm pasi Grubi kishte lënë shtetin. Kjo konfirmon qartë dy skenarë të mundshëm – ose ata ishin plotësisht të paaftë për ta ndaluar, ose, dhe më e mundshme, ata e lanë qëllimisht të largohej. A do të thotë Toshkovskii sinqerisht cila është arsyeja që Grubi, ditën kur pritej të publikohej hetimi, e la vendin lirisht, ndërkohë që aksioni i MPB-së për ta ndaluar atë u dështua?”

LSDM kërkon përgjigje nga Ministria e Brendshme dhe ministri Pançe Toshkoski se si ishte e mundur që Grubi të arratisej në ditën e aksionit, kush do të mbajë përgjegjësi nëse ai nuk kthehet në vend, dhe gjithashtu nëse policia do të marrë masa kundër atyre që i ndihmuan në arratisje dhe atyre që dështuan në përpjekjen për ta ndaluar.

MARTIN KOSTOVSKI, SEKRETAR ORGANIZATIV I LSDM-SË

“Janë bërë shumë gabime dhe ka shumë indikacione që pas këtij rasti fshihet diçka tjetër, pra një marrëveshje politike. A janë marrë vesh VMRO-DPMNE dhe BDI për këtë rast dhe a është kjo ndoshta çmimi për mbështetjen që BDI i dha VMRO-DPMNE në Kuvend? A është kjo pjesë e të gjitha skenarëve të qartë të rënë dakord mes VMRO-DPMNE dhe BDI-së për sulme të vazhdueshme publike dhe destabilizim fiktiv, një gjendje që u përshtatet politikisht të dyja partive?”

LSDM kërkon nga organet hetimore të punojnë në mënyrë profesionale dhe transparente, dhe që çdo person që do të provohet se ka shkelur ligjin të mbajë përgjegjësi para ligjit. /SHENJA/