(VIDEO) Kyçyk: Maqedonia nuk do të marrë propozim më të mirë, BE nuk do të ndryshojë qëndrim
BE-ja nuk do ta ndryshojë qëndrimin, nuk do të ketë propozim më të mirë për Maqedoninë e Veriut dhe askush nuk do të vendos kushte plotësuese – siguron eurodeputeti dhe raportuesi për RMV-në në Parlamentin Evropian, Ilhan Kyçyk. Gjatë një interviste për Radion Kombëtare Bullgare, Kyçyk, ka deklaruar se e ardhmja do të thotë se RMV-ja dhe Bullgaria bashkë do të jenë në NATO dhe BE, që sipas tij, është interes strategjik për Sofjen.
MARKETING
ILHAN KYÇYK, EURODEPUTET
“Nuk do të ketë ndryshime të qëndrimit të BE-së. S`ka as dëshirë që Komisioni Evropian dhe Këshilli i BE-së, disa muaj para zgjedhjeve evropiane të merren me ndryshimin e rregullave. Rregullat janë të dakorduara dhe duhet të respektohen. Nuk do të ketë propozim më të mirë, për shkak se ky është më i miri. Nuk është një diktat bullgar, por rregulla evropiane që RMV-ja duhet t`i ndjek”.
Sipas eurodeputetit Kyçyk, zgjedhja është ekskluzivisht e Maqedonisë së Veriut dhe nëse VMRO-DPMNE nuk dëshiron të jetë në anën e evropeizimit, përgjegjësia i takon kësaj partie. Kyçyk ka paralajmëruar se mossuksesi i ndryshimeve kushtetuese, për një kohë të gjatë, do ta ndalojë rrugën e RMV-së drejt BE-së dhe do të jetë shumë reale që Tirana të ndahet nga Shkupi, kurse shkaqet e dështimit duhet të kërkohen vetëm në Maqedoninë e Veriut.
/SHENJA/
MARKETING
