(VIDEO) Këshilli i Prokurorëve stopon procedurën për shkarkimin e Kocevskit

Me shumicë prej 6 votash, Këshilli i Prokurorëve Publik dha mendim negativ, gjegjësisht u shpreh kundër iniciativës së Qeverisë, për shkarkimin e prokurorit publik shtetëror Lupço Kocevskit. Nga 9 anëtarët e Këshillit, pro votuan 3 prej tyre, Keti Petkova, Ardijan Demiri dhe Marijana Ilievska. Diskutimi u bë me dyer të mbyllura dhe opinioni u përjashtua, për të marrë pjesë më vonë, vetëm gjatë votimit.

Dushica Dimitrievska, kryetare e Këshillit të Prokurorëve

“Në seancën e sotme, anëtarët e Këshillit, duke shqyrtuar propozimin e Qeverisë për shkarkimin e prokurorit publik Lupço Kocevskit, sollën vendim me shumicë votash të anëtarëve të Këshillit dhe dhanë mendim negativ për propozimin e Qeevrisë për shkarkim”.

Në seancë nuk mori pjesë prokurori Kocevski, ashtu siç parasheh procedura ligjore në raste të tilla.

Përndryshe Qeveria e ka ndërprerë procedurën për shkarkimin e Koceveskit, pas tragjedisë që ndodhi në Koçan. Javën e kaluar vetë kryeministri Hristijan Mickoski tha se procedura e inicuar nga Qeveria në muajin shkurt, duhet të mbetet në fazën që është për momentin përshkak të hetimeve për zjarrin në Koçan, ku pjesë e hetimeve është edhe Kocevski.

Një ditë më vonë, seanca e paraparë për shqyrtimin e shkarkimit të Kocevskit në Këshillin e Prokurorëve, u ndërpre përshkak se nuk kishte kuorum. Në të njejtën ditë, zëdhënësja e Qeverisë Marija Miteva në press konferencë, tha se Qeveria po e ndërpret procedurën e shkarkimit të prokurorit publik Lupço Kocevskit dhe edhe në qoftë se Këshilli i Prokurorëve jep mendim për shkarkimin e tij, Qeveria atë nuk do ta dërgoj për procedurë të mëtejshme në Kuvend, ku duhet edhe të sillet vendimi.

Emine Ismaili Luzha /SHENJA/

MARKETING