(VIDEO) Kërkoi çmim për viktimat e tragjedisë – Familjarët kërkojnë videon, Mickoski thotë ta lemë këtë temë

Prindët e familjarëve të viktimave të Koçanit kërkojnë publikimin e videos nga takimi i tyre me kryeministrin Hristijan Mickoskin. Por, i pyetur për këtë kërkesë të tyre, Mickoski thotë që këtë temë të u’a lënë atyre që dëshirojnë të fitojnë pikë politike.

Hristijan Mickoski, kryeministër

“Ju lutem, dhimbja është shumë e madhe, të gjithë e ndjejmë ende, ju lutem atë temë të ua lëmë brejtësve politik. Bashkëndjej me familjarët. Të lëmë këtë temë për ata që vertetë ndjejnë dhimbje, e jo per ata që duan të fitojnë pikë të vogla politike”.

Pas komunikatës së familjarëve të viktimve të Koçanit, që e zbardhën takimin e tyre të mbajtur me Mickoskin, e në të cilin sipas tyre Mickoski u ka thënë që të caktojnë çmim për fëmijët e tyre të humbur, e që më pas këto pohime i mohoi Qeveria, familjarët kërkojnë që të shpaloset videoja e takimit. Në marshin e fundit që u mbajt në nderë të viktimave, ata u shprehën se jo vetëm që nuk presin që drejtësia të del sheshit, por edhe se siç u shprehën po mundohen që t’i poshtërojnë ata si prindër.

“Kjo kërkesë është e njejtë me propozimin e LSDM-së, vetëm se ju nuk keni vendosur çmim. Caktojeni çmimin për fëmijët tuaj”, sipas familjarëve u ishte thënë nga Mickoski.

Nga Qeveria për pretendimet e familjarëve, u shprehen se janë të pa vërteta dhe janë devijim i qëllimshëm dhe një keqpërdorim i fatit tragjik.

Emine Ismaili Luzha /SHENJA/

MARKETING