(VIDEO) Familjarët kërkojnë të rihapet hetimi për zjarrin në spitalin modular të Tetovës

Familjarët e viktimave të tragjedisë në Spitalin moduar në Tetovë kanë deklaruar se e përkrahin letrën e hapur nga Iniciativa ZERO, të cilët kërkuan drejtësi për ngjarjen tragjike të djegjes së spitalit. Familjari I viktimave, Mumin Ismaili tha se publikisht tashmë dihet se ekzistojnë dëshmi se ka pasur lëshime në ndërtimin e spitalit modular.

MUMIN ISMAILI, FAMILJAR I VIKTIMAVE

“I gjithë opinioni publik e di se ekzistojnë prova serioze për lëshime gjatë ndërtimit të spitalit modular të cilat mund të jenë arsyeja e vetme për shpërthimin e zjarrit. Kjo u konfirmua edhe nga ekpsertiza gjermane, një dëshmi e pavarur e zjarrit, e cila për fat të keq u refuzua nga prokuroria, prandaj i nderuari Ljupço si tetovar, ju më së miri e kuptoni dhimbjen dhe zemërimin e familjarëve të viktimave”.

Ismaili tha se kërkojnë që të rihapet hetimi për tragjedinë dhe të dalin në pah të gjithë fajtorët e vërtetë, pasi që përgjegjësi duhet të ketë.

MUMIN ISMAILI, FAMILJAR I VIKTIMAVE

“Është koha që dikush të merr përgjegjësi, është koha që drejtësia të del nga sirtari. Si familjarë të viktimave kërkojmë të rihapet hetimi për të gjithë fajtorët e vërtetë të zjarrit në spitalin modular në Tetovë, të formoni një ekip të pamvarur që do të shqyrtojë të gjithë aspektet e rastit përfshirë edhe zvarritjen eventuale të procedurës nga prokurorët, të garantoni se procedura gjyqësore do të zhvillohet pa ndikim partiak apo të biznesit, të siguroni transparencë dhe përgjegjësi në punën tuaj”.

Ismaili kërkoi që ekspertiza gjermane te jetë si provë kyçe në këtë drejtim dhe tha se ata nuk do të heshtin, por se do të vazhdojnë të flasin për të dashurit e tyre që I humbën dhe siç thonë ata për drejtësinë që u është premtuar por jo edhe realizuar.

Ditë më parë qytetarët e Tetovës protestuan dhe kërkuan përgjegjësi për tragjeditë në të cilat u dogjën njerëz. Si pasojë e zjarrit që shpërtheu në spitalin modular të Tetovës më 8 shtator të vitit 2021 humbën jetën 14 persona.

Medina Ajeti Ali /SHENJA/

MARKETING