(VIDEO) Dhunuan një të mitur, katër persona në burg, njëri në arrest shtëpiak

Pesë meshkuj të cilët kanë abuzuar seksualisht me një femër të mitur  14-vjeçare në Veles, janë  arrestuar. Nga Prokuroria informojnë se  gjykata ka shqiptuar masën e paraburgimit ndaj 4 personave dhe masën e arrestit shtëpiak ndaj një personi pasi të njëjtit dyshohen se kanë keqpërdorur seksualisht një të mitur dhe të njejtit,  kanë përgatitur materiale pornografike. Nga Prokuroria  gjithashtu deklarojnë  se 4 nga të dyshuarit janë nga Velesi, ndërsa njëri nga Tetova.

PROKURORIA PUBLIKE

“I dyshuari i parë, njëzet e pesë vjeçar nga Velesi, nga fundi i dhjetorit 2021 dhe gjatë vitit 2022, duke përdorur kërcënime ndaj fëmijës-viktimë, u ka mundësuar të dyshuarve tjerë dhe personave të tjerë N.N. që të kryejnë akte seksuale me viktimën e trafikimit të qenieve njerëzore – përmes aktiviteteve seksuale, shfrytëzimit seksual dhe pornografisë”.

Nga Prokuroria Publike, sqarojnë se në dhjetor të vitit 2021, njëri nga të akuzuarit  ka komunikuar me vajzën katërmbëdhjetë vjeçare, viktimë e trafikimit të qenieve njerëzore përmes aplikacionit Instagram dhe pas disa javësh kanë vazhduar  komunikim të vazhdueshëm përmes aplikacionit, pasi ka fituar besimin e viktimës, e ka mashtruar se do të fillonin një lidhje dashurie.  Në takimin e parë siç thonë nga Prokuroria, është bërë material pornografik që i dyshuari i parë e ka përdorur si kërcënim për ta detyruar vajzën të shkojë në takime të tjera, duke e kërcënuar se nëse nuk vinte do t’i publikonte dhe shpërndante materialet me përmbajtje intime në rrjetet sociale, do të dëmtonte nderin dhe reputacionin e saj.

Samir Mustafa /SHENJA/

MARKETING