(VIDEO) ASHMAA do të hartojë strategji të re rregullatore për periudhën 2024-2028

Duke u nisur nga nevoja për të përcaktuar prioritetet dhe synimet e tyre për pesë vitet e ardhshme dhe që Agjencia të bazojë veprimet e saj në një dokument të konsideruar strategjik, Agjencia për Shërbime Mediatike Audio dhe Audiovizuele, do të fillojë aktivitetet për hartimin e strategjisë së re rregullatore për periudhën 2024-2028. Zoran Trajçevski, drejtori i Agjencisë, tha se udhëzues i përgjithshëm në përcaktimin e objektivave për pesë vitet e ardhshme është cikli i ri i politikave mediatike që po zhvillohet aktualisht në vend dhe është e qartë se udhëzimet për funksionimin e rregullatorit të medias që do të vendosin në këtë strategji duhet të korrespondojë me qëllimet e përgjithshme publike që do të përcaktohen nga politika e re e medias.

Zoran Trajçevski, drejtor i Agjencisë për Shërbime Mediatike Audio dhe Audiovizuele

“Sigurisht që do të ishte shumë më e lehtë të përcaktoheshin drejtimet e punës sonë në pesë vitet e ardhshme nëse do të kishte një strategji kombëtare mediatike në të cilën do të përcaktoheshin drejtimet e përgjithshme të zhvillimit të kësaj fushe në këtë vend. Megjithatë, edhe pse në vitet e kaluara në disa raste është theksuar nga disa subjekte se është e nevojshme të përgatitet një dokument i tillë strategjik në Maqedoni të Veriut, institucionet kompetente deri më sot nuk kanë bërë asgjë lidhur me këtë çështje”

Pjesë e këtyre udhzimeve të strategjisë janë: Forcimi i promovimit të lirisë së shprehjes dhe pluralizmit mediatik në mjedisin konvergjent mediatik, arritja e konkurrencës dhe qëndrueshmërisë më të madhe në tregun mediatik, forcimi i mbrojtjes së konsumatorëve, duke përfshirë të miturit dhe grupet vulnerabël, promovimi i vetërregullimit dhe bashkërregullimit.

Një nga ndryshimet kryesore që sjell ky harmonizim i  strategjisë është zgjerimi i fushëveprimit të subjekteve, pra përfshirja në rregullore është edhe platformat e shkëmbimit të videove me përmbajtje. Kjo do të thotë se ata do të marrin kompetenca shtesë mbi format e reja të medias.

Gjithashtu, me këtë fazë të parë të harmonizimit, liberalizohen kufizimet në reklamat televizive dhe vendosja e produkteve, forcohen detyrimet për mbrojtjen e të miturve dhe reduktimin e ekspozimit të tyre ndaj reklamave për alkoolin dhe ushqimet dhe pijet jo të shëndetshme, detyrimet për të siguruar akses në përmbajtje për personat me aftësi të kufizuara, rritjen e transparencës së pronësisë së ofruesve të shërbimeve mediatike dhe më shumë. Linda Ebibi /SHENJA/

MARKETING