(VIDEO) Aksident i rëndë trafiku në magjistralen Prilep – Manastir, vdesin dy mjek dhe një teknik
Dy mjekë dhe një teknik kanë vdekur mëngjesin e sotëm në një aksident të rëndë trafiku, të ndodhur në rrugën rajonale Prilep-Manastir pasi automjeti me të cilin udhëtonin ata u përplasën me një kamion që transportonte lëndë lehtësisht të ndezshme. Po ashtu është lënduar edhe drejtuesi i kamionit. Ministria e Punëve të brendshme informoi se pas përplasjes ka shpërthyer një zjarr i madh nga i cili janë djegur të dy automjetet, ndërsa për shuarjen e tij kanë ndërhyrë tre zjarrfikës. Viktimat gjatë mëngjesit ishin nisur për të shkuar në vendin e tyre të punës në një objekt shëndetësor privat në Manastir.
Rasti është raportuar në shërbimin emergjent mjekësor rreth 10 minuta para orës 8, ndërsa ekipet në terren kanë konstatuar vdekjen e tre personave në automjetin e tipit ‘Toyota’
Sektori i Punëve të Brendshme Manastir ka raportuar se në rrugën Prilep – Manastir në kryqëzimin Lagovë ka ndodhur një aksident trafiku në mes të automjetit të tipit “Toyota” me targa të Prilepit i drejtuar nga 42-vjeçari N.V. dhe bashkëudhëtarët A.R dhe F.J., të gjithë nga Prilep”.
Kamioni i tipit “Volvo” i përfshirë në aksident ka qenë me targa të Shkupit dhe drejtohej nga 51-vjeçari me inicialet G.R. nga Manastiri. Në vendin e aksidentit, ekipet e MPB-së dhe prokurorisë publike kanë kryer kontroll, ndërsa trupat e pajetë të tre punonjësve shëndetësor janë dërguar për obduksion.
Anida Murati /SHENJA/
MARKETING
