(VIDEO) Ahmeti dhe “Grupi i Zjarrit” vazhdojnë takimet e ndara

Bashkimi Demokratik për Integrim ka vazhduar takimet e ndara me qytetarët. BDI-ja me në krye me  Ali Ahmetit,  së bashku me disa funksionarë shtetërore mbrëmë ishin në Bogovinë të Tetovës. Ahmeti nga Bogovina tha se ai si lider i kësaj partie, i ka vënë angazhim vetes  që gjeneratat e reja të inkurajohen dhe të frymëzohen,  pasi siç tha ai, të  marrin mbi shpatulla  përgjegjësi.

ALI AHMETI-KRYETAR I BASHKIMIT DEMOKRATIK PËR INTEGRIM

“Por shekulli i ri nga ne dhe sidomos nga ju gjeneratat e reja pret cilësi, nga gjeneratat e reja pret cilësi në arsim, në shëndetësi, infrastrukturë, në mënyrën e jetës se si ta jetojmë më mirë”.

Ndërkaq, në anën tjetër “Grupi i Zjarrit”, , takim me qytetarët ka mbajtur në Kërçovën e kryetarit të tyre, edhe pse i njejti nuk ishte prezentë. Nënkryetari  dhe deputeti i Bashkimit Demokratik për Integrim, Izet Mexhiti,kërkoi nga Ali Ahmeti, që mos ti dëgjojë ata, por le ti dëgjojë qytetarët.

IZET MEXHITI-NËNKRYETAR I BASHKIMIT DEMOKRATIK PËR INTEGRIM

“Pra ata duhet të shkojnë sepse janë të paaftë, ata duhet të shkojnë sepse nuk mundet një ndërrmarje që udhëhiqet nga shqiptarët dhe ndërton  rrugë vetëm në pjesët lindore. Si do ta bindin qytetarin që do ta bëjmë korridorin 8, ku pesë vite nuk mundet të bëhet dy km rrugë Shkup-Bllacë”.

Mexhiti deklaroi se ata  nuk kanë  asgjë personale ndaj askujt,  madje ai tha se asnjëherë nuk kanë pasur qëllime të këqija, por ai kërkoi, siç tha Mexhiti,  të përmirësohen  para se ti  përmirësojë populli.

Samir Mustafa /SHENJA/

MARKETING