(VIDEO) 245 mijë nxënës nisin nesër vitin shkollor nxënësit, mësimdhënësit do të trajnohen për përdorimin e inteligjencës artificiale

245 mijë nxënës, prej të cilëve 177 e 800 filloristëdhe 67 e 200 nxënës të shkollave të mesme nesër do të nisin vitin e ri shkollor 2025/26. Ministrja e Arsimit dhe Shkencës, Vesna Janevska pretendon se, është zgjidhur në mënyrë sistematike problemi me tekstet shkollore dhe të gjithë nxënësit do të furnizohen me libra në kohë, për të gjitha lëndët . Ajo po ashtu tha se, në shumicën e shkollave janë përmirësuar kushtet për përmesim ndërsa është rritur edhe numri i asistentëve arsimor.

Vesna Javenvska, Ministre e Arsimit dhe Shkencës

“Viti i dytë shkollor me radhë fillon me tekste shkollore për të gjithë nxënësit. Ka tekste shkollore krejtësisht të reja për klasën e shtatë në arsimin fillor dhe për vitin e parë në shkollat ​​e mesme, për shkak të zbatimit të kurrikulave të reja, dhe unë njoftoj se ky proces i ripërtëritjes së përmbajtjes mësimore do të ketë vazhdimësi. Për herë të parë në shtatë vjet, nxënësit do të marrin edhe tekste shkollore në gjuhë të huaja – anglisht, frëngjisht, gjermanisht dhe italisht”.

Këtë vit, për herë të parë në programin mësimor do të inkuadrohet inteligjenca artificiale, ndërsa do të fillojë edhe zbatimi i ditarit të ri elektronik me performanca më të mira nga i kaluari, siç tha Janevksa dhe mësimdhënësit nuk do të përballen me pengesa gjatë plotësimit të të dhënave në çdo kohë.

Vesna Javenvska, Ministre e Arsimit dhe Shkencës

“Inteligjenca artificiale po hyn në mësimdhënie. Kam kënaqësinë të ndaj me ju se është përgatitur një manual gjithëpërfshirës për edukimin si të mësuesve ashtu edhe të nxënësve, me udhëzime të qarta për përdorimin etik dhe efikas të mjeteve të reja teknologjike për qëllime arsimore. Nxënësit do të informohen për përfitimet nga inteligjenca artificiale dhe do të mësohen ta përdorin në mënyrë etike”.

Sa i përket asistentëve arsimor, ministra tha se në shkollat fillore do të ketë 1,346 asistentë ndërsa për herë të parë asistencë arsimore do të kenë edhe nxënësit e shkollave të mesme me nevoja të veçanta arsimor, për çka do të angazhohen 130 asistentë.

Teuta Buçi /SHENJA/

MARKETING