Vedat Muriqi fundos Realin Madridin, Mallorca fiton në shtesë

Mallorca ka arritur një fitore historike në shtëpi ndaj Real Madrid, duke i dhënë fund një pritjeje 14-vjeçare.

MARKETING

Heroi i ndeshjes ishte sulmuesi kosovar Vedat Muriqi, i cili shënoi golin vendimtar në minutat shtesë për t’i siguruar ekipit të tij tri pikë shumë të vlefshme. Pas një asistimi nga Joseph, Muriqi u pozicionua në mënyrë perfekte përballë portierit Andriy Lunin dhe realizoi me një goditje të fuqishme në minutën 90+1.

Ky ishte goli i tij i 19-të në këtë sezon të La Liga, duke konfirmuar formën e tij të shkëlqyer. Falë kësaj fitoreje, Mallorca largohet nga zona e rrezikut, duke grumbulluar 31 pikë.

Në anën tjetër, kjo humbje përbën një hap fals për Real Madridin në garën për titull, duke i hapur rrugë Barcelona që të krijojë një epërsi prej shtatë pikësh nëse arrin fitore ndaj Atletico Madrid.

MARKETING