Ushtria izraelite vret 25 palestinezë në Gaza, përfshirë njerëz që kërkonin ndihma

Të paktën 25 palestinezë, përfshirë ata që kërkonin ndihmë ushqimore, u vranë dhe qindra të tjerë u plagosën në sulmet e reja izraelite në të gjithë Gazën, njoftoi Agjencia palestineze e lajmeve Wafa, duke cituar burime mjekësore, transmeton Anadolu.

Tre palestinezë u vranë dhe të tjerë u plagosën në sulmin izraelit në rrugën Al-Mansoura në lagjen Shejaiya, në lindje të qytetit të Gazës. Tetë persona të tjerë u vranë nga të shtënat izraelite në zonën Nitzarim në Gazën qendrore teksa përpiqeshin të merrnin ndihmë humanitare.

Burimet mjekësore thanë se ekipet e shpëtimit nxorën trupat e tre palestinezëve dhe arritën të shpëtonin pesë të mbijetuar nga nën rrënojat e dy shtëpive në Jabalia Al-Nazla, Gazën veriore, pas një sulmi ajror izraelit. Disa persona mbeten të zhdukur nën rrënoja.

Dhjetë palestinezë u vranë dhe të tjerë u plagosën në një sulm tjetër izraelit në dy shtëpi në kampin e refugjatëve Deir al-Balah dhe Nuseirat, në Gazën qendrore. Ekipet e shpëtimit nxorën trupin e një të riu nga Abasan në qyttein Khan Younis, në jug të Rripit të Gazës.

Duke refuzuar thirrjet ndërkombëtare për armëpushim, ushtria izraelite ka ndërmarrë një ofensivë brutale kundër Gazës që nga tetori i vitit 2023, duke vrarë mbi 56.000 palestinezë, shumica prej tyre gra dhe fëmijë.

Nëntorin e kaluar, Gjykata Ndërkombëtare Penale lëshoi ​​urdhër-arreste për kryeministrin izraelit, Benjamin Netanyahu dhe ish-ministrin e tij të Mbrojtjes, Yoav Gallant për krime lufte dhe krime kundër njerëzimit në Gaza.

Izraeli përballet gjithashtu me një padi për gjenocid në Gjykatën Ndërkombëtare të Drejtësisë për luftën e tij në enklavë.

MARKETING